النهاردة شغلتني فكرة التعددية وافتكرت فيلم
"سلطة بلدي" -إللي عمري ماشفته ونفسي أشوفه بس قريت عنه وشوفت التريلر
بتاعه- وقعدت أدور في المكتبات إللي حواليَّ وعلى الإنترنت إزاي أحصل على
الفيلم. فقولت أدور على المخرج، فلقيت "نادية كامل" على الفيس بوك ولقيتها
حاطة كلام وصور لعلي شعث، وبعدين شوفت الطفل إللي كان في التريلر في نفس
الصور، وشوفت صور "راندا شعث" -إللي كنت متابع صورها من زمان- و"نبيل شعث"
-إللي كنت باتفرج عليه من وأنا صغير وهوا بيتكلم عن فلسطين. ده خلاني
أربَّط الموضوع بتريلر الفيلم، وإن دي العيلة إللي بيحكي عنها الفيلم
تقريبًا.
ققررت إني أدور على "علي" على الإنترنت، وشوفت كلمته في "تيد إكس كايرو"، وقريت أفكاره، وإللي كتبه الناس عنه. الصراحة بعد كل إللي قريته حسيت بطاقة إيجابية وإشراق على الحياة والعمل بدرجة كبيرة؛ من الآخر علي وعيلتكم ألهموني!
في الآخر عاوز أقولِّك إن زوجتي وأنا منتظرين طفل في شهر إبريل ومخططين إننا نسمه "نديم"؛ وده إللي اكتشفته النهاردة مع نهاية بحثي، إن ليكم ابن اسم برضه "نديم"!
أشكرِك وأشكر علي وعليتكم على إلهامي في هذه الليلة ولأيام وشهور وسنين عديدة قادمة. هاحاول إني أعمل حاجة أو حاجات تدعو مراتي إنها تفتخر بيَّا لمَّا أموت زي مانتي أكيد مفتخرة بإلهام زوجِك لناس مايعرفهمش وماقابلهمش؛ بس اتعرفوا عليه بالصدفة زيِّ!
تحياتي، مَرْقُس
ققررت إني أدور على "علي" على الإنترنت، وشوفت كلمته في "تيد إكس كايرو"، وقريت أفكاره، وإللي كتبه الناس عنه. الصراحة بعد كل إللي قريته حسيت بطاقة إيجابية وإشراق على الحياة والعمل بدرجة كبيرة؛ من الآخر علي وعيلتكم ألهموني!
في الآخر عاوز أقولِّك إن زوجتي وأنا منتظرين طفل في شهر إبريل ومخططين إننا نسمه "نديم"؛ وده إللي اكتشفته النهاردة مع نهاية بحثي، إن ليكم ابن اسم برضه "نديم"!
أشكرِك وأشكر علي وعليتكم على إلهامي في هذه الليلة ولأيام وشهور وسنين عديدة قادمة. هاحاول إني أعمل حاجة أو حاجات تدعو مراتي إنها تفتخر بيَّا لمَّا أموت زي مانتي أكيد مفتخرة بإلهام زوجِك لناس مايعرفهمش وماقابلهمش؛ بس اتعرفوا عليه بالصدفة زيِّ!
تحياتي، مَرْقُس
No comments:
Post a Comment