Friday, December 4, 2015

الارشيف يبقينا معا

مش فاهمة اوي يعني ايه سنتين. انا بكلمه طول الوقت هو معايا بس مش معايا. الوقت في الموضوع ده من موجود كعنصر. انا قعدت لاول مرة طول الاسبوع اللي فات اشوف فيديوهات وكأني بعيش كل لحظة منهم. بيبقى بيتكلم معايا في الفيديو وارد او بيقول حاجة وانا الوحيدة اللي عارفة ان فيه همسة تريقة فبضحك بتآمر. او يبصلي بحنية وهو بيسألني حاجة عادية جدا وانا اتدلع عليه.


دي لحظة مش نادرة، دي لحظة متكررة كل اللي يعرفونا عاشوها معنا. تصوير رندا شعث. عيد ميلادي الاربعين، فبراير ٢٠١٢. اخر عيد ميلاد سوا.